MOQda yana bir yig'ilish o'tkazildi

Ushbu uchrashuvda murabbiylar tayyorlash tizimini qayta ko'rib chiqish, universitet bitiruvchilarini murabbiylik sohasiga yanada qiziqtirish, yosh murabbiylar uchun ilmiy-metodik qo'llanmalar yaratish va boshqa masalalar muhokama etildi.

Barchamizga malumki, O'zbekiston davlat jismoniy tarbiya universitetini har yili yuzlab talabalar bitirib chiqishadi. Ammo, ularning hammasi ham keyinchalik murabbiylik sohasini tanlamaydi. Aksincha, huquqni muhofaza qilish, moliya yoki iqtisodiy yo'nalishlarda faoliyat olib borishni maqul ko'radilar.

Aynan shuning uchun ham universitet bitruvchilarini murabbiylik kasbiga qiziqtirish, kelajakda ulardan etuk mutaxassislar tayyorlash masalasi bugungi kunning dolzarb muammolaridan biri hisoblanadi. 

Uchrashuv davomida O'zbekiston davlat jismoniy tarbiya universiteti qoshida terma jamoalar uchun malakali murabbiylar etkazib berish bo'yicha maxsus ilmiy guruh tashkil etishga kelishib olindi. O'z navbatida, Jasur Matchanov ham Milliy olimpiya qo'mitasi ushbu jarayonda faol ishtirok etishini takidlab o'tdi.