Moskvadagi nufuzli shaxmat turnirida Giri peshqadam

O'z tarixida yubiley 10-marotaba tashkil etilgan musobaqada dunyoning ko'zga ko'ringan 10 nafar grossmeysteri ishtirok etyapti. Kecha o'tkazilgan 5-tur uchrashuvida peshqadam, gollandiyalik Anish Giri rossiyalik Yan Nepomnyashiy bilan durang o'ynadi.

Sobiq jahon chempioni hindistonlik Vishvanatan Anand esa isroillik Boris Gelfanddan ustun keldi. Qolgan partiyalarda tomonlar murosa ko'chasini tanlashdi.

Bugun o'tkazilayotgan 6-tur uchrashuvlari oldidan turnir jadvalida musobaqaning eng yosh ishtirokchisi Anish Giri 4 ochko bilan yakka peshqadamlik qilyapti.  

5-tur natijalari: Anand – Gelfand 1-0, Giri – Nepomnyashhiy, Li CHao – Tomashevskiy, Aronyan – Kramnik, Mamadiyarov – Svidler partiyalarida durang qayd etildi.

5-turdan keyingi vaziyat: 1. Giri – 4; 2. Nepomnyashhiy – 3,5; 3-4. Anand, Li CHao – 3; 5-7. Mamadiyarov, Aronyan, Kramnik – 2,5; 8. Svidler – 2; 9. Tomashevskiy – 1,5; 10. Gelfand – 0,5.

6-tur juftliklari: Aronyan – Giri, Nepomnyashhiy – Mamadiyarov, Svidler – Li CHao, Tomashevskiy – Anand, Kramnik – Gelfand.