21 jan 10:44
Yangiliklar

Boks/MMA

Movsar Evloev 18-g'alabasini qo'lga kiritdi

Ayni daqiqalarda Kanadaning Toronto shahrida navbatdagi UFC turniri bo'lib o'tmoqda.

"Skoushabenk-Arena" mezbonlik qilayotgan UFC 297 turnirining asosiy kardidan o'rin olgan qiziqarli janglardan biri britaniyalik Arnold Allen hamda rossiyalik Movsar Evloev o'rtasida o'tkazildi.

Uch raund to'liq davom etgan jangda Movsar hakamlarning yakdil qarori bilan g'alaba qozondi. Uch raundda britaniyalik taqiqlangan zarba yo'lladi va buning natijasida referi jangni bir muddatga to'xtatib turdi.

Bugun Evloev qatorasiga 18-g'alabasini tantana qildi. U mag'lubiyatsiz yurishini davom ettirmoqda. Allen esa bugun faoliyatidagi uchinchi mag'lubiyatini qabul qilib oldi. Arnoldning g'alabalari soni 19 taligicha qoldi.