08 sen 15:16
Yangiliklar

Boks/MMA

MPL ligasi o'zining ilk Selection turnirini tashkil etmoqda + KARD

Muradov Professional Ligasi rahbarlaridan biri Jasur Alijonov Olamsport.com saytiga bergan intervyusida liga tez orada Selection turnirlarini yo'lga qo'yishi kutilayotganini aytib o'tgan edi.

Xabaringiz bor, 16 sentyabr kuni Toshkentda MPL 8 turniri tashkil etilmoqda, aynan shu kuni liga o'zining ilk Selection turnirini ham o'tkazishi elon qilindi.

Ushbu turnirda yosh va havaskor sportchilar o'z janglarini o'tkazishadi.

"Biz endi sportga kirib kelayotgan va o'zini professional janglarda sinab ko'rmoqchi bo'lgan yigitlarga yordam berish uchun tanlov loyihasini boshlayapmiz. Muradov Professional Ligasining har bir turniridan oldin, selekciya janglarini o'tkazib, keyinchalik ligamizda faoliyat yuritadigan yigitlarni saralab olamiz. Ular bilan shartnomalar tuziladi", - deyilgan liga xabarida.

Malumot uchun, MPL 8/Selection turniri 16 sentyabr kuni soat 18:00 da, poytaxtimizdagi "Alpomish" muz saroyida o'tkaziladi.