11 may 09:46
Yangiliklar

Boks/MMA

Muhammad Mokaev Jeyk Polning birinchi turnirida jang qilmaydi

Sobiq UFC jangchisi Muhammad Mokaev ONE FC sobiq chempioni Adriano Moraesga qarshi kelayotgan yakshanba kuni oktagonga chiqishi kerak edi.

U Jeyk Polning Most Valuable Promotions (MVP) kompaniyasining aralash yakkakurashlar bo'yicha birinchi turnirida jang qila olmaydi. Mokaev ushbu shou o'tkazilayotgan Los-Anjelesga etib kela olmagan, aniqrog'i unga Amerika vizasini olish rad etilgan.

Mokaev o'rniga endi AQSHda yashovchi, avval Bellator va LFA Ligalarida o'z janglarini o'tkazgan janubiy afrikalik Fumi Nkuta (11–0) Moraesga qarshi bahs olib boradi.

Eslatib o'tamiz, Los-Anjelesdagi MVP shousining asosiy voqeasi ayollar MMAsining ikki afsonasi Ronda Rouzi va Jina Karano o'rtasidagi jang bo'ladi.