19 okt 18:51
Yangiliklar

Boks/MMA

Muhammad Mokaev UFC`ning eng yosh jangchisi Raul Rosasga qarshi jang qiladi

Teglar : Muxammad Mokaev Raul Rosas Junior

UFC promoushenidan haydalgan britaniyalik Muhammad Mokaev ushbu liganing eng yosh jangchisi amerikalik Raul Rosas Juniorga qarshi jang o'tkazadi.

Ushbu qarama-qarshilik greppling bo'yicha o'tkaziladigan ADXC 6 turnirining markaziy jangi bo'ladi. Ushbu turnir 25 oktyabr kuni BAA poytaxti Abu-Dabi shahrida bo'lib o'tadi.

Malumot uchun, shu yilning iyul oyida Muhammad Mokaev UFC Ligasidagi ettinchi g'alabasini qo'lga kiritgandi. O'shanda u Buyuk Britaniyaning Manchester shahrida o'tkazilgan UFC 304 turnirida Manel Kapeni mag'lubiyatga uchratgan edi. SHu jangdan keyin reytingning oltinchi pog'onasida borayotgan 24 yoshli Mokaev tashkilotdan haydalgandi.

O'tgan oyning oxirlarida mag'lubiyat nimaligini bilmay kelayotgan kelib chiqishi dog'istonlik bo'lgan Muhammad Mokaev Bahraynda joylashgan Brave CF ligasi bilan shartnoma imzolagandi. U aynan shu ligadan UFC`ga o'tgan edi.

Meksikalik 20 yoshli Raul Rosas Junior esa UFC promoushenida debyut qilgan eng yosh jangchi bo'lib, uchta g'alabali seriya bilan kelmoqda. So'nggi jangida Kileng Aorini taslim etgandi.