Muhammadqodir Toshtemirov: "Oltin medal olishni kutmagandim"

Navbatdagi oltin medalni erkaklar o'rtasida -81kg bahslarida ajoyib ishtirok etgan sportchimiz (dast ko'tarishda 160 kg, siltab ko'tarishda 181 kg) Muhammadqodir Toshtemirov qo'lga kiritib, musobaqa haqida o'z taassurotlari bilan o'rtoqlashdi.

"Musobaqaga tayyorgarlik jarayoni ancha yaxshi kechgandi. Murabbiylarim menga ko'p yordam berishdi. Jarohatda bo'lganimda ularni meni qo'llab-quvvatlashdi, ruhan va jismonan yaxshi tayyorlashdi. Buning uchun ularga o'z minnatdorchiligimni bildirib qolaman. Oltin medal olishni kutmagandim. Maqsadim kuchli uchlikka kirish edi. Raqiblarimni kuzatdim, ularning rejalarini qaysidir manoda o'qiy oldim. Dast ko'tarish bahslaridagi uchinchi chiqishimda xato qilishimga bir bahya qoldi. Ming shukurki, mehnatim zoe ketmadi. Oldinda bizni yoshlar o'rtasidagi Osiyo chempionati va jahon chempionati kutib turibdi. Ularda ham Oltin medalni qo'lga kiritib, Olimpiada yo'llanmasi uchun kurashaman",  - dedi yurtdoshimiz.

Abror Jo'raqulov, UzJOKU talabasi