Muhojir sifatida Rossiyaga borgan, hozirda Floyd bilan do'st tutingan, UFC tomon olg'a intilayotgan o'zbek - Mahmud Murodov haqida

U erda bir xonada o'n ikki kishi bilan yashardi. Hozir esa Murodov MMAda ketma-ket 11-g'alabasini qo'lga kiritdi. U Floyd Meyvezer bilan do'stlashgan, shuningdek chexiyalik mashhur qo'shiqchi bilan birga. “Match TV” muxbiri Murodovdan faoliyati haqida intervyu oldi.

Mahmud 2007 yil, 17 yoshida Tomskga pul topish maqsadida boradi. Murodov Rossiyada to'rt yil davomida ishladi.

"Men dastlab kelganimda o'n ikki kishi bilan bir xonada yashaganman. O'rtacha oyiga 10000-15000 rubl pul topardim, topganimni 60 foizini uyga jo'natganman".

- Bir umrlik "Doshirak"larinigizni eb bo'lgandirsiz o'sha vaqtlarda?

- Bu kunlarni unutmayman, lekin men ko'pincha "Rolton" eganman, sababi u arzonroq edi. Men uchun eng zavqli vaqt esa biz yogurt yoki smetana sotib olgan vaqtlarimiz bo'lgan edi o'sha kezlarda.

- Siz otangiz kasalligi sabab pul topish uchun kelganman dedingiz. SHundan so'ng otangizga nima bo'ldi?

- U hozirda qo'lsiz, shuningdek oyog'i ham yaxshi emas. Lekin eng asosiysi u hayot. Demak barchasi yaxshi. Ota-onam mening borim.

Mahmud Rossiyada salkam 4000 dollar ishladi. Keyin esa CHexiyaga o'qish uchun jo'nab ketdi, lekin bosh maqsad o'qish emas, balki professional faoliyatini boshlash edi. U barcha pulini o'qishga berdi. SHundan so'ng Mahmudning puli qolmadi.

"Men odatda CHexiyada do'konga kirib, u erdan narsa olib, o'sha erning o'zidayoq erdim. CHunki borishga joyim yo'q edi. Bir kuni meni tutib ham olishgan. CHexiyada bir yil o'qiganimdan so'ng, o'qish vizasini ishlash vizasiga almashtirdim. Bu erda barcha qora ishlarni bajardim. Ko'pincha meni aldab, pulimni berishmasdi. Kunlardan birida men Petr Knije sport zaliga borib qoldim. Men ulardan mashg'ulotlar qancha turishini so'radim, ular esa 10 evro deb javob qaytarishdi. Bu esa menga to'g'ri kelmasligini aytganimda, menga tekinga kelaverishimni aytishgan. Mana o'shandan beri men shu sport zalda mashg'ulot olib boraman”,-dedi Murodov.

Knije unga ish topishga ham yordamlashdi. Murodov oyiga 500 evro ishlab topishni orzu qilardi, lekin unga har smena ish uchun 80 evrolik ish topib berdi.

"Men 42 kun uzluksiz ishlagan vaqtlarim ham bo'lgan. SHundan so'ng jangda ishtirok etardim va yana 30 kunlab ishlardim. Men tezroq qarzlarimdan qutulib, oilamga pul jo'natishni istardim. SHu tariqa 3 yil davomida ishladim. Hozirda o'zimning qo'riqlash agentligim bor, u erda 30 nafar ishchim bor. Men shu erda Oleg Gazmanov bilan tanishganman. U mening eng mashhur do'stlarimdan".

Avgustning o'rtalarida Meyvezer "Instagram"dagi sahifasida Muradovning surati joylab, surat tagiga: «Jahonning eng kuchli MMA jangchisi»,-deb yozib qoldirdi. Murodov Meyvezer  promouter kompaniyasi bilan shartnoma imzolagan birinchi MMA jangchisi hisoblanadi. Ular ikki yil avval CHexiyada tanishib qolishgandi.

"Floyd men haqimda yozganini o'zim ko'rdim. Mendan ko'pchilik Floyddan o'zing yozishni so'raganmisan deb aytishadi. Lekin unday emas, men buni so'ramaganman".

Mahmud yaqinda UFCning sobiq jangchisini nokaut qilishga erishdi. Bu nokaut ham Floydning "Instagram" sahifasiga yuklandi. Hozircha Murodov 11 ta jangda g'alaba qozongan. U "Ostagon" promosheni kompaniyasida jang qiladi. U UFCga o'tishi borasida fikr bildirdi.

"Evropada menga raqib topish juda qiyin bo'lmoqda. Dastlab raqiblarim menga qarshi jang qilishga rozi bo'lishadi, lekin ular janglarim videolarini ko'rganlaridan so'ng men bilan jang qilishdan voz kechishadi. Sochida S-70 turnirda Vyacheslav Vasilevkiga qarshi jang qilishim kerak edi. Men bu to'qnashuvga rozilik berdim, lekin ular rad etishdi. Men SHlemenkoga qarshi jang qilishni istagan bo'lardim. Lekin buning uchun rossiyaliklar menga kerakli pulni berishlari kerak".

- Bir oy muqaddam sizga UFC prezidenti Dana Uaytning ko'rgazmali jangida ishtirok etish imkoni berilgan ekan. Bu turnir g'olibi bilan esa UFC shartnoma imzolaydi. Siz esa bunga rad javobi bergansiz. Nega?

-UFCda debyutant jangchilarga o'rtacha 10000 dollar + 10000 dollar tizimida pul berishadi. Bu hozirda CHexiyada topayotgan pullarimdan ancha kam. Vaqti keladi, men UFCda jang qilaman. 

Hozirda Murodov Las-Vegasda. U Meyvezer sherikligida Dana Uayt bilan uchrashdi. 

-Uchrashuv haqida nima deysiz?

-Men ko'plab mashhurlar bilan uchrashdim. SHartnoma imzolanmagunga qadar hech nima demayman.

Murodov navbatdagi jangini 9 noyabrda Oktagon 15 turnirida o'tkazadi. Janglarga 20000 muxlisni sig'diradigan arena mezbonlik qiladi. Muradov Meyvezerning maqtovidan so'ng yanada mashhur bo'lib ketdi. Uning obunachilar kundan kunga ko'payib bormoqda.

Nig'monxo'ja Nozimov tayyorladi