24 dek 08:14
Yangiliklar

Dzyudo

Mukofot jamg'armasi 200 000 000 bo'lga Uzbekistan Judo Tour kuchlilarni saraladi + FOTOGALEREYA

2025 yil hisobidan so'nggisi hisoblangan Uzbekistan Judo Tour musobaqasining Toshkent shahar bosqichi o'z yakuniga etdi.

Mukofot jamg'armasi 200 million so'mni tashkil etgan musobaqa poytaxtimizning "Olimpiya" shaharchasidagi yakkakurash sport turlariga ixtisoslashtirilgan arenasida o'tkazildi. To'rtta vazn toifasida o'tgan murosasiz bellashuvlar yakunida Anvarjon Ibrohimov (-66 kg), Nizomiddinxo'ja Toshpo'latov (-73 kg), Amir-Said Djeyliev (+90 kg) va Irisxon Qurbonboeva chempionlik shohsupasiga ko'tarildi.

Toshkent viloyati terma jamoasi 1 tadan oltin, kumush va bronza medali bilan umumjamoa hisobida birinchi o'rinni egalladi. Buxorolik dzyudochilar 1 ta oltin va 1 ta kumush medal bilan ikkinchi o'rinni band etishgan bo'lsa, 1 tadan oltin va bronza medaliga ega chiqqan Xorazm viloyati kuchli uchlikka yasab berdi.

«Uzbekistan Judo Tour» g'olib va sovrindorlarini tantanali taqdirlash marosimida O'zbekiston Respublikasi Sport vaziri Adham Ikramov, Milliy olimpiya qo'mitasi raisining birinchi o'rinbosari Otabek Umarov, MOQ Bosh kotibi Oybek Kasimov, Sport vaziri o'rinbosarlari SHaxrillo Mahmudov, Avaz Karimov, Toshkent shahar hokimi SHavkat Umurzoqov, O'zbekiston dzyudo federaciyasi raisi Azizjon Kamilov ishtirok etdi.

Takidlash joiz, «Uzbekistan Judo Tour» musobaqasi istedodli dzyudochilarni kashf qilib berishi bilan ahamiyatli bo'ldi.

«Uzbekistan Judo Tour» g'olib va sovrindorlari

-66 kg vazn toifasi

1. Anvarjon Ibrohimov (Buxoro)

2. Muxriddin Tilovov (Qashqadaryo)

3. Artyom SHturbabin (Toshkent viloyati)

3. Muhammad Ergashev (Toshkent shahri)

-73 kg vazn toifasi

1. Nizomiddinxo'ja Toshpo'latov (Surxondaryo)

2. Zamahshariy Bekmurodov (Buxoro)

3. Inoyat Telmanov (Toshkent shahri)

3. Dilshodbek Baratov (Surxondaryo)