"Mundialdan so'ng skautlar nigohi O'zbekistonga qaratiladi" - "Crvena Zvezda" sobiq futbolchisi

Mundial orqali har bir futbolchi o'zining kuchli tomonlarini ko'rsatishga intiladi. Tabiiyki, bu orqali kuchli klublar nazariga tushish osonroq. "Crvena Zvezda" va "Paxtakor" sobiq himoyachisi Boyan Miladinovich bu borada o'z fikrlari bilan bo'lishdi.

"Jahon chempionati katta reklama maydoni ham hisoblanadi. Har bir futbolchi o'zini yaxshi ko'rsatadi. SHomurodov, Husanov, Fayzullaev kabi nomlarni butun dunyo yodlab olgan. Yana bir qancha mahoratli futbolchilar borligi shubhasiz. Aynan bu mundialdan so'ng butun dunyo agentlari, klublarning skautlarining nigohi O'zbekistonga, chempionatga qaratiladi deb o'ylayman. Ular ijobiy manoda boshqacha qarashni boshlashadi. Yangi SHomurodov, Husanovlar qidiriladi. Bu mamlakatda qanday texnik ijrochilar borligini ko'rib olishadi. Jahon chempionatida O'zbekiston terma jamoasi kuchli tomonlarini ommmaga namoyon qilishini tilab qolaman", – deydi Boyan Miladinovich.