Murodjon Ahmadaliev Toshkentda yangi divizionda jangini o'tkazdi - buning sababi malum

Musobaqaning asosiy bellashuvida hamyurtimiz Murodjon Ahmadaliev ringga ko'tarildi.

Ikkinchi eng engil vazn toifasidagi sobiq jahon chempioni Murodjonning Venesuela vakili Egli Moskeda bilan jangi Ahmadaliev shu kunga qadar faoliyat yuritib kelgan ikkinchi eng engil vazn (55,2 kg) emas, yarim engil vazn toifasida (57,1 kg) tashkil etildi. 10 raundlik bahsda Murodjon raqibini to'rtinchi raundda texnik nokaut orqali engdi.

Hamyurtimiz yangi vazn toifasidagi jangini quyidagicha izohladi:

"Maqsadlarim o'zgarmagan — jahon chempionlik kamarlari va eng katta janglar. 55 kg vaznda o'zimni qulay his qilaman. Lekin munosib imkoniyat tug'ilsa, 57 kg divizioniga ko'tarilishga ham tayyorman. Vaziyatga real qarayman: agar Inoue ikkinchi eng engil vaznda qolsa, keyingi imkoniyatgacha yana ikki yil o'tib ketishi mumkin. Men esa kutgim kelmaydi. SHuning uchun boshqa vaznda ham chempionlik kamarlari uchun kurashishga tayyorman. Agar Inoue yuqori vaznga o'tib, titulni vakant qoldirsa, unda men 55 kg vaznda o'sha kamar uchun jang qilaman", deydi yurtdoshimiz.

Malumot uchun, yarim engil vazn toifasida yana bir hamyurtimiz — Otabek Xolmatov titul uchun davogarlardan sanaladi.