Muzaffar Abdurahmonov: Kamtarona mehnatimiz davlat mukofoti, pul, avtomobil, uy bilan taqdirlandi

Mukofot olganlar orasida erkin kurash bo'yicha O'zbekiston terma jamoasi azosi, Tokio-2020 Olimpiya o'yinlarining bronza medali sovrindori Bekzod Abdurahmonovning murabbiyi Muzaffar Abdurahmonov ham bor. U Prezident Farmoniga ko'ra «O'zbekiston Respublikasida xizmat ko'rsatgan sport ustozi» faxriy unvoni mukofotiga loyiq ko'rildi. 

«Avvalo, Prezidentimiz SHavkat Miromonovichga biz sportchi va murabbiylarga ko'rsatayotgan etiborlari uchun barcha sport kurashchilar oilasi nomidan rahmat aytmoqchiman. Biz uchun kutilganidan ham alo darajada g'amho'rlik ko'rsatildi. Kamtarona mehnatimiz davlat mukofoti, pul, avtomobil, uy bilan taqdirlandi. Bu sportchi va murabbiylarni yanada ruhlantiradi, yangi g'alabalar sari undaydi. Ochig'i, Bekzod bilan Tokio gilamlarida oltin medalni qo'lga kiritishni niyat qilgandik. Endi bu sport, unda shunday kutilmagan natijalar bo'lib turadi. Ayniqsa, Olimpiya o'yinlari boshqa musobaqalardan shunisi bilan ham farqlanadi. Nasib qilsa, Parij-2024 Olimpiadasida oliy orzuimizni ro'yobga chiqaramiz. Buning uchun astoydil harakat qilamiz. Mashg'ulotlarni allaqachon boshlab yuborganmiz. Oldinda ikki oydan so'ng o'tkaziladigan jahon chempionati, kelasi yili Xitoyda o'tajak Osiyo o'yinlari bor. Bu musobaqalarda ham faqat chempionlik uchun kurashamiz», - deydi Muzaffar Abdurahmonov.