Muzaffarbek To'raboev yaponiyalik asosiy raqibini engdi, qolganlar ham Osiyo chempionatini g'alaba bilan boshlashdi

Bugun og'ir vazn toifasida tashkil etilayotgan bellashuvlarda terma jamoamizning uch nafar dzyudochisi yurtimiz sharafini himoya qilyapti. Quvonarlisi, ularning bari saralashning ilk uchrashuvida g'alabaga erishishdi. 

-100 kg vazn toifasida jahon chempioni Muzaffarbek To'raboev ilk davradayoq nomdor raqib bilan to'qnash keldi. Yaponiyalik Kosuke Mashiyamaga qarshi kechgan murosasiz bahsda To'raboev shido ogohlantirishlari evaziga g'alaba qozondi. 

-78 kg vazndagi dzyudochimiz Irisxon Qurbonboeva filippinlik Ryoka Salinasdan, +78 kg vazndagi vakilamiz Rinata Ilmatova esa qozog'istonlik Akerke Ramazanovadan ustun keldi.