Nahotki?! Usik Riyadh Season bilan xayrlashib, Amerika promouteriga ketmoqda

Ukrainalik bokschi amerikalik promouter bilan uzoq muddatli shartnoma bo'yicha muzokara olib bormoqda. Uning birinchi jangi Deontey Uaylderga qarshi shu yilning bahoriga rejalashtirilgan. Bu haqda bokschining menejeri Egis Klimas The National nashriga bergan intervyusida malum qildi.

"Usik va Uaylder o'rtasidagi jangni ko'rishimiz ehtimoli juda yuqori. Ayni paytda biz buning ustida ishlayapmiz va uzoq muddatli shartnomani muhokama qilyapmiz. Uaylder jamoasi bilan muzokaralar olib borilmoqda. Biz Las-Vegas yoki Los-Anjelesni ko'rib chiqamiz, sanalar esa aprel oyining oxiri yoki may oyining boshi. Uaylder va Usik hali o'zaro jang o'tkazmagan.

Hozircha aytayotgan gaplarim norasmiy, lekin bu Amerika Qo'shma SHtatlaridan kelgan promouterlik guruhi bo'ladi. Kelajakda Riyadh Season bilan to'liq ishlamaymiz, deya olmayman. Usik u erda ham jang o'tkazishi mumkin, biroq hozircha bizda ulardan hech qanday taklif yo'q", - deb aytgan Klimas Dubayda bo'lib o'tgan Butunjahon sport sammitida nashr vakili bilan suhbatda.

Top Rank, PBC va Golden Boy promouterlik kompaniyalari AQSH boks bozoridagi etakchi o'yinchilar hisoblanadi. Biroq Klimas ular aynan kim bilan hamkorlik qilmoqchi ekanini oshkor qilishdan bosh tortgan. SHu bilan birga, menejer mijozining yana kamida ikki yil janglarda faol ishtirok etishni rejalashtirayotganini tasdiqladi.

"Uning o'zi aytganidek, yana kamida ikki yil bor. Uning tanasiga kirolmayman, lekin Usik o'zini kuchli his qilmoqda. Uning fikricha, hali qo'lqoplarni mixga ilish vaqti emas va tabiiyki, Aleksandr davom etishga tayyor", - deya tushuntirdi Klimas.