Namangan IOZMIda yosh sportchilarga yaratilgan sharoitlar bilan tanishildi FOTOREPORTAJ

Avval xabar berganimizdek, O'zbekiston Respublikasi Jismoniy tarbiya va sport vazirligi tomonidan tuzilgan ishchi guruh Namangan viloyatida jismoniy tarbiya va sport sohasida aholi sog'lig'ini mustahkamlashga ko'maklashadigan aniq dasturlarni amaliyotga joriy etish, yoshlarni sportga keng jalb qilish va ular orasidan iqtidorli sportchilarni saralab olish, sport turlari bo'yicha yuqori natijalarni taminlaydigan mahoratli sportchilar bilan milliy terma jamoalarni shakllantirish va trenerlar uchun qo'shimcha shart-sharoitlar yaratish bo'yicha amalga oshirilayotgan ishlar bilan yaqindan tanishmoqda.

Jumladan, ishchi guruh vakillari kecha Namangan shahridagi ixtisoslashtirilgan olimpiya zaxiralari maktab-internati faoliyatini o'rgandi.

Ushbu sport talim muassasasi Namangan viloyati hokimining 2005 yil 25 avgustdagi 212-sonli qaroriga asosan Namangan Olimpiya zaxiralari sport kolleji nomi bilan tashkil etilgan.

Talim muassasasida bugungi kunda 6 ta sport zali, jumladan, sport o'yinlar zali (48x24 m), kurash zali (12x30 m), og'ir atletika zali (12x30 m), gimnastika zali (18x42 m), boks zali (18x36 m), kurash zallari (18x36 m) o'z faoliyatni ko'rsatmoqda.

O'rganish davomida masullarga IOZMIda sportchi-o'quvchilarga etarli shart-sharoitlarni yaratish hamda Osiyo va jahon chempionatlarida hamda Olimpiya o'yinlarida yuqori cho'qqilarni zab etib, yurtimiz bayrog'ini yuksaklarga ko'taradigan iqtidorli sportchilarni tayyorlash borasida ko'rsatmalar berildi.