Namanganda ommaviy yugurish marafoni tashkil etildi + FOTO

O'zbekiston Respublikasi Prezidentining 2020 yil 24 yanvardagi “O'zbekiston Respublikasida jismoniy tarbiya va sportni yanada takomillashtirish va ommalashtirish chora-tadbirlari to'g'risida"gi Farmoniga muvofiq, mahalliy aholi, sportchilar, talabalar, huquqni muhofaza qiluvchi idora xodimlarini jalb etgan holda ommaviy yugurish tadbirlarini o'tkazish belgilangan.

Ushbu topshiriq ijrosini taminlash maqsadida Namangan shahrida mahalliy aholi, sportchilar, talabalar, huquqni muhofaza qiluvchi idora xodimlaridan iborat yugurish musobaqasida 3000 nafarga yaqin havaskor sportchi ishtirok etgan bo'lsa, ommaviy yurish tadbirida 6 000 nafardan ziyod viloyatning sportsevar xalq vakillari qatnashdi.

Tadbirda Namangan viloyati hokimi SHavkatjon Abdurazzaqov ham ishtirok etib, g'oliblar hamda faol ishtirokchilarga viloyat hokimligining 20 dona qimmatbaho (sovutgich, televizor, changyutgich, mikroto'lqinli pech) sovg'alarini topshirdi.

Bu kabi tadbirlar aholi orasida sog'lom turmush tarzini keng targ'ib etish hamda yurtdoshlarimizning salomatligini mustahkamlashga xizmat qiladi.