"Nasaf" Bozorov va Golban bilan xayrlashdi

"Nasaf" futbol maktabi tarbiyalanuvchisi, jamoamiz yarim himoyachisi Oybek Bozorov klubimiz safidagi faoliyatini yakunlamoqda.

Oybek "Nasaf" sharafini himoya qilgan yillar davomida O'zbekiston Superligasida bir marta chempionlik, ikki marta kumush va ikki marta bronza medallarini qo'lga kiritdi. SHuningdek, u jamoa bilan birgalikda uch bor O'zbekiston Kubogi hamda uch bor O'zbekiston Superkubogida zafar quchdi.

Maydondagi fidoyiligi va jamoa yutuqlariga qo'shgan hissasi uchun Oybek Bozorovga samimiy tashakkur izhor etamiz hamda uning professional faoliyatida omad tilaymiz", – deyiladi xabarda.

SHuningdek, qarshiliklar mahoratli himoyachi Igor Golban "Nasaf"dagi faoliyatini yakunlaganini malum qildi.

"U jamoamiz safida to'p tepgan davrida klubimiz sharafini munosib himoya qildi va muhim yutuqlarga erishishda o'z hissasini qo'shdi.

Futbolchiga jamoamiz uchun qilgan xizmatlari va fidoyiligi uchun samimiy minnatdorlik bildiramiz hamda uning keyingi faoliyatida omad tilaymiz", – deyiladi xabarda.

Oybek Bozorov faoliyatini "Paxtakor"da davom ettirishi kutilayotgan bo'lsa, Igor Golban keyingi taqdirini "Andijon" bilan bog'ladi.