Navbatdagi g'alaba: Asadxo'ja Mo'ydinxo'jaev ham chorak finalda!

Biroz oldin -67 kg vazn toifasida o'zbekistonlik charm-qo'lqop ustasi Asadxo'ja Mo'ydinxo'jaev jahon chempionatidagi ikkinchi jangini o'tkazdi. Nimchorak final bahsida unga beloruslik Kiril Samadurau raqiblik qildi. Jang to'liq 3 raund davom etib, unda hakamlarning yakdil qarori bilan 5:0 hisobida Asadxo'ja Mo'ydinxo'jaev g'alaba qozondi.

Bugungi g'alabasi orqali musobaqada oltinchi raqamli bokschi sifatida qayd etilgan Asadxo'ja chorak finalga yo'l oldi.