14 jan 11:44
Yangiliklar

Sport kurashlari

Navoiyda ayollar kurashi bo'yicha xotira turniri boshlandi

Bugun Navoiy viloyati erkin kurash asosichilaridan biri, xalqaro toifadagi sport ustasi Ibodullo Ergashev xotirasi uchun hamda 14 yanvar - Vatan himoyachilari kuni munosabati bilan musobaqa start oldi.

Navoiy shahridagi Yakkakurash turlariga ixtisoslashtirilgan bolalar va o'smirlar sport maktabi zalida o'tkazilayotgan turnirda 2002-2004, 2005-2006, 2007-2010 yillarda tug'ilgan o'smirlar, yoshlar va kichik yoshdagi o'smir qizlar ishtirok etmoqda.

Xotira turnirida Buxoro, Samarqand, Jizzax viloyatlari, Toshkent shahri hamda Navoiy viloyatining barcha tumanlaridan kurashchi qizlar musobaqa medallari uchun bellashishyapti. G'oliblar kunning ikkinchi yarmida aniqlanadi va ularga tashkilotchilar tomonidan medal, diplom va qimmatbaho sovg'alar topshiriladi.