Navoiyda kattalar o'rtasida O'zbekiston chempionati boshlanmoqda

Yakkakurash turlariga ixtisoslashtirilgan bolalar va o'smirlar sport maktabi mezbonligida o'tadigan yilning asosiy musobaqasida Qoraqalpog'iston Respublikasi, barcha viloyatlar hamda Toshkent shahridan jami 450 nafar kurashchi mamlakat chempionligi uchun bahslarga kirishadi. 

Uch kun davomida uchta yo'nalish bo'yicha jami 30 ta medallar jamlanmasi uchun qiziqarli bellashuvlar bo'lib o'tadi. Bugun O'zbekiston chempionatining ilk kuni yunon-rum kurashi bo'yicha 10 ta vazn toifasida g'olib va sovrindorlar aniqlanadi. "Klassiklar" -55, -60, -63, -67, -72, -77, -82, -87, -97 hamda 130 kg vazn toifalarida mamlakat chempionligi uchun gilamga chiqishadi.