Nenad Lalovich Olimpiadaning ko'chirilishi va yangi taqvim haqida gapirdi

"Olimpiadaning 2021 yilga ko'chirilgani rasman elon qilindi. Lekin hali musobaqaning aniq sanasi malum emas. XOQ Olimpiada tashkilotchilari bilan birga bu masalani muhokama qilyapti. O'z navbatida XOQ kvalifikacion turnirlar bo'yicha o'z tavsiyasini berishi kerak. SHundan keyingina biz o'zgargan va yangilangan taqvim haqida bosh qotiramiz. 

Ha, bu jarayon kurashchilarning tayyorgarlik jarayoniga salbiy tasir ko'rsatadi. Lekin ayni holatda bizga sportchilarning sog'lig'i va xavfsizligi barchasidan muhim. Tez orada UWW Ijroiya qo'mitasining telekonferenciyasi o'tkaziladi. Unda biz bu masalani ham muhokama qilamiz. Yangilik bo'lishi bilan darhol bu haqida barcha sport kurashlari dunyosini xabardor qilamiz", — dedi Lalovich UWW rasmiy saytiga bergan intervyusida.

Eslatib o'tamiz, koronavirus sabab Evropa, Osiyo, Afrika va Okeaniya qitalari hamda jahon kvalifikacion turnirlari bekor qilingan va nomalum muddatga ko'chirilgan edi.