Ngannu Uaylderga qarshi jang qiladi. Jang Afrikada o'tkazilishi kutilmoqda

Asli kamerunlik, Franciya nomidan jang qiluvchi, og'ir vazn toifasida UFC sobiq chempioni Frensis Ngannu amerikalik bokschi Deontey Uaylder bilan jang qilishi mumkinligini aytdi.

«Hozir biz Deontey Uaylder bilan jang qilish imkoniyatini ko'rib chiqyapmiz. U ayni damda bo'sh va jang qilishga tayyor, men bilan jang qilishdan u juda manfaatdor. Biz hatto bitta jangni Afrikada va yana bir jangni boshqa joyda o'tkazish imkoniyatini muhokama qildik. Nega biz Afrikada jang qilmasligimiz kerak?", - deya Ngannuning so'zlaridan iqtibos keltiradi TMZ nashri.