Ngannu UFC`ga qaytishi mumkinligi haqida xabar bo'yicha Dana Uaytga javob berdi

Vaqtinchalik kamar sohibi bo'lib turgan britaniyalik Tom Aspinall Jonsning ketishi fonida og'ir vazn toifasida to'laqonli UFC chempioniga aylandi. UFC rahbari Dana Uayt ham Frensis Ngannuning qaytishi mumkinligiga o'z munosabatini bildirdi.

"Men Frensisning katta muxlisi emasman. Bir narsani anglab etdimki, uning aytadigan gaplari deyarli haqiqatga to'g'ri kelmaydi. Yani, aytgan gaplarini amalda isbotlayvermaydi. SHundan kelib chiqib aytishim mumkinki, agar Ngannu UFC`ga qaytsa, bundan hayron qolaman", - dedi Uayt.

Kamerunlik og'ir vaznli aralash yakkakurash ustasi UFC prezidentining bu gapini javobsiz qoldirmadi.

"Men UFC`ga qaytishim haqida gapirmagan edim shekilli?", - deya o'zining ijtimoiy tarmoqdagi sahifasida xabar qoldirgan Ngannu. 

SHuningdek, Frensis muxlislardan birining "Yo'qotgan kamaringni qaytarib olish uchun ham qaytmaysanmi?" deya yozgan gapiga ham javob berib ketdi. 

"Nimanidir yo'qotganimni eslay olmayapman, og'ayni. Sen aytgan narsa mening shkaf jovonimda turibdi", - deya muxlisga javob berdi kamerunlik.