Nigina Abduraimova terma jamoadan ko'ra SHveycariyadagi turnirni afzal ko'rdimi?

Etiborga molik jihati shundaki, mamlakatimizning birinchi raketkasi hisoblangan Nigina Abduraimova ushbu turnirda terma jamoa sharafini himoya qilmayapti. 7 aprel kuni elon qilingan tarkibimizdayoq uning ism-sharifi ro'yxatda yo'q edi. 

Abduraimova bugun SHveycariyaning Kyasso shahrida o'tkazilayotgan W60 turnirining asosiy to'r ilk davra uchrashuvida kortga chiqadi. Bizning vaqt bilan soat 16:00da boshlanadigan ushbu bahsda Nigina germaniyalik Mona Bartelga qarshi bahs olib boradi. 

Taqqoslash uchun, Abduraimova WTA reytingida 186, Bartel  esa 201-o'rinni egallab turibdi. Tennischilar shu kungacha o'zaro bir marotaba to'qnash kelishgan. 2018 yilning 25 sentyabr kuni Toshkentda o'tgan WTA turnirining 1/16 final bosqichidagi uchrashuvda Mona 4/6, 6/3, 6/3 hisoblarida g'alaba qozongan edi. 

Endi savol tug'iladi: Billie Jean King kubogi Niginaning rejalariga kirmagan edimi yoki murabbiylar terma jamoadagi yoshlarga imkoniyat berish uchun birinchi raketkamizni Evropa turnirlaridan bezovta qilishmadimi?