Nikita Rafalovichning natijasi o'zbek taekvondosi uchun tarixiy bo'ldi, u bugun O'zbekistonga qaytib keladi

Unda o'zbekistonlik taekvondochi Nikita Rafalovich bronza medalini qo'lga kiritdi. Bronza medali uchun bahsda hamyurtimiz misrlik Seif Issaga qarshi dayanga chiqdi. 3 raunddan so'ng hisob 5:5 edi. G'olibni aniqlash uchun qo'shimcha to'rtinchi raund o'tkazildi. Unda dastlabki ochkoni qo'lga kiritgan Nikita "Moscow Grand-Prix Final" musobaqasida bronza medalini qo'lga kiritdi. Takidlash lozimki, bunga qadar o'zbekistonlik taekvondochi ushbu musobaqada medalga ega chiqmagan edi. 

Ushbu muvaffaqiyat Rafalovichni Tokio Olimpiadasi licenziyasi sari yanada yaqinlashtirganini alohida etirof etish lozim!

Bugun Yakuniy Gran-Prida ishtirok etgan taekvondochilarimiz Nikita Rafalovich va Nigora Tursunqulova Moskva-Toshkent yo'nalishida HY604 reysi bilan yurtimizga qaytishadi. Delegaciya joylashgan samolyot soat 17:05da Toshkent xalqaro aeroportiga kelib qo'nadi. Taekvondochilarimizni kutib olish uchun barcha muxlislar va OAV xodimlarini taklif qilamiz.