Noche UFC 4 turnirining bonus sohiblari malum

Oqshomning uchinchi muhim jangida o'zaro murosasiz kurash olib borgan yarim engil vazn toifasi vakillari Tommi Makmillen va Marvan Raxiki "Kechning eng yaxshi jangi" uchun 100 ming dollarlik qo'shimcha mukofot puliga loyiq deb topildilar.

Ikkinchi raundda nokdaun holatiga tushib, muddatidan avval mag'lubiyat yoqasiga kelib qolgan amerikalik nafaqat jangni davom ettirdi, balki uchinchi raundda raqibini nokdaun holatiga tushirdi. Bu safar marokashlik jangchi qiyin vaziyatga tushib qoldi. Garchi u jangni yakuniga etkazib qo'ygan bo'lsa-da, hakamlarning yakdil qarori bilan mag'lubiyatga uchradi.

"Kechaning eng yaxshi chiqishi" uchun bonuslar yarim engil vazn vakillari Jan Silva va SHon Kingga nasib etdi. Turnirning asosiy jangida braziliyalik Jan Silva qiyinchilik bilan bo'lsa-da, asli meksikalik AQSH sharafini himoya qilayotgan Xose Delgadoni uchinchi raundda bo'g'ish usuli bilan taslim etdi. SHon King esa tashkilotdagi debyutini muvaffaqiyatli o'tkazdi: u jangning atigi 36-soniyasida vatandoshi Jessi Rosasni nokautga uchratdi.

Muddatidan avval g'alaba qozongan Yusri Belgarui va Tomas Gant esa 25 ming dollardan qo'shimcha bonuslarga ega bo'lishdi.