Nukusda gandbol bo'yicha o'tkazilgan O'zbekiston chempionati final bosqichi yakunlandi

– O'zbekiston gandbol federaciyasi, Bolalar sportini rivojlantirish jamg'armasi, Jismoniy tarbiya va sport davlat qo'mitasi hamkorligida o'tkazilgan musobaqa mamlakatimiz terma jamoasini shakllantirish, uning tarkibiga yosh, istedodli sportchilarni jalb etishga xizmat qildi, – deydi O'zbekiston gandbol federaciyasi bosh kotibi Ismoil Matxoliqov. – Keskin kurashlarga boy bo'lgan musobaqada eng kuchlilar saralandi.

Qoraqalpog'istonlik yosh gandbolchilar birinchi o'rinni egallab, kelgusi yili Rossiyada o'tkaziladigan xalqaro turnirda qatnashish huquqini qo'lga kiritdi. Ikkinchi o'ringa Andijon viloyati, uchinchi o'ringa Farg'ona va Sirdaryo viloyatlari jamoalari sazovor bo'ldi.