Nukusda ommaviy sport tadbirlari o'tkazildi

Qoraqalpog'iston Respublikasida pandemiya davrida jamiyatda sog'lom turmush tarzini shakllantirish, kasalliklarning oldini olish, aholi keng qatlamlarini, ayniqsa keksalar va yoshlarni jismoniy tarbiya va sport bilan shug'ullanishga jalb etish, ommaviy sportning inson va oila hayotidagi muhim ahamiyatini targ'ib etish borasida keng ko'lamli ishlar amalga oshirilmoqda.

Qoraqalpog'iston Respublikasi jismoniy tarbiya va sport vazirligi tashabbusi bilan tashkil qilingan ommaviy yurish marafoni ommaviy sport tadbirlarining mantiqiy davomi va chinakam sport bayrami bo'ldi.

«Sog'lom hayot sari 5000 qadam» shiori ostida yurish marafoni hamda ertalabki badantarbiya mashg'ulotlari o'tkazildi. Yurish marafoniga Nukus shahridagi flagshtok maydonidan start berildi. Ishtirokchilar belgilangan masofani bosib o'tgach, shu maydonda badantarbiya mashqlarini bajarishdi.

SHuningdek, Qashqadaryoda ham sog'lom turmush tarzini shakllantirish, kasalliklarning oldini olish, aholi keng qatlamlarini, ayniqsa keksalar va yoshlarni jismoniy tarbiya va sport bilan shug'ullanishga jalb etish bo'yicha qator ishlar amalga oshirilmoqda.

Qashqadaryo viloyati jismoniy tarbiya va sport boshqarmasi hamda qator tashkilotlar bilan hamkorlikda viloyatda ommaviy sport tadbirlari doimiy o'tkazib kelinmoqda.

Qoraqalpog'istonda bo'lgani kabi Qashqadaryoda ham «Sog'lom hayot sari 5000 qadam» shiori ostida yurish hamda ertalabki badantarbiya mashg'ulotlari o'tkazildi.

Bunday tadbirlar Respublikamizning barcha hududlarda o'tkazilmoqda.