Nukusda zamonaviy sport majmuasi foydalanishga topshirildi FOTOGALEREYA

SHu munosabat bilan sport maktabining tantanali ochilish marosimi o'tkazildi. Marosimda Qoraqalpog'iston Respublikasi Jo'qori Kengashi raisi M. Erniyazov, Nukus shahar hokimi P. Toreshov, jamoatchilik vakillari, sport faxriylari ishtirok etib, murabbiy va sportchilarni yangi zamonaviy sport maktabining foydalanishga topshrilishi bilan samimiy qutladilar. 

Reknstrukciya ishlarini olib borish uchun davlat byudjetidan 9 milliard 618 million 531 ming so'm mablag' ajratilgan bo'lib, qayta tamirlash ishlarida yugurish maydonchalari rezinali qoplamalar bilan, futbol, voleybol maydonchalari esa terafleks sport repulomi bilan qoplandi. 

Bundan tashqari murabbiy va shug'ullanuvchilar uchun kiyinish, cho'milish xonalari va oshxona yangidan zamon talablariga mos ravishda qayta tamirlandi. Hozirgi kunda sport maktabida 58 trener-o'qituvchi va 1547 nafar sportchi o'z faoliyatini olib bormoqda. 

Sport maktabi sportchilari 2019 yilda Jahon, Osiy va O'zbekiston chempionat hamda kuboklarida 40 ta oltin, 39 kumush, 49 bronza medalarini qo'lga kiritgan.