Nurafshonda sport tibbiyoti tizimi xodimlari uchun seminar o'tkazildi

Dastlab boshqarma boshlig'i Rustam Boboqulov so'zga chiqib, mamlakatimizda sport tibbiyotini rivojlantirish borasida islohotlar amalga oshirilayotgani va shunga mos ravishda viloyatdagi sport-talim muassasalarda tibbiyot xodimlari faoliyatida yangicha tizimida rivojlantirish, endilikda sport-tibbiyot xodimlaridan mashg'ulotlarga ilmiy asosda yondashishlari talab qilinishini takidladi. 

So'ngra O'rta CHirchiq tumani sport maktabi shifokori Obid Ashurov so'zga chiqib, sport talim muassasalarida sport vrachining ish faoliyatidagi vazifalari, sport tibbiyoti, tibbiyotdagi tekshirish uslublari hamda sport shifokori bilishi kerak bulgan qonun-qoidalar bo'yicha malumot berdi. SHuningdek, "Sinafarm" MCHJ direktori Dilbar Atxambekova tomonidan sport faoliyatidagi metabolik dori vositalarining o'rni to'g'risida tushunchalar berildi. 

SHundan so'ng, O'zbekiston Respublikasi Vazirlar Mahkamasi huzuridagi Milliy antidoping agentligining Talim dasturini ishlab chiqarish bo'limi boshlig'i Sevara Tursunova hamda Terapevtik istisnolar bo'limi boshlig'i Fotima Abdurahimova tomonidan dopingning sportdagi salbiy oqibatlari, sportchilarda taqiqlangan dori vositalari to'g'risida to'liq tushunchalar berildi. 

Seminar so'ngida sport talimi tibbiyot xodimlari hamda trenerlar tomonidan sportchilarni yuqori natijalarga erishishlari uchun qanday vitaminlar istemol qilinishi, qizlardan iborat sportchilarimizdagi o'zgarishlarga qay tarzda ilmiy jihatdan yondashish zarurligi, UZNADA qaysi vaqtda sportchilardan doping test olishi va shunga o'xshash ko'plab savollarga mutaxassislar tomonidan to'liq javob olindi. 

Mazkur sport tibbiyoti bo'yicha keyingi seminar bir oydan so'ng CHirchiq shahrida bo'lib o'tishi kelishib olindi.

Ilhom RAHMONOV tayyorladi