06 apr 10:32
Yangiliklar

Boks/MMA

Nurmagomedov ham Saudiyadagi UFC turnirida jang qiladi, raqib malum!

Xabaringiz bor, 22 iyun kuni Saudiya Arabistoni poytaxti Ar-Riyod shahrida navbatdagi UFC turniri bo'lib o'tadi.

Tashkilotchilar ushbu oqshomning yana bir jangini tasdiqlashdi. Rossiyalik Said Nurmagomedov UFC on ABC 6 turniri doirasida amerikalik Montel Jeksonga qarshi oktagonga chiqadigan bo'ldi.

Malumot uchun, 32 yoshli Said Nurmagomedov o'tgan yilning oktyabr oyida tojikistonlik Muin Gafurovni birinchi bo'limning o'zida mag'lubiyatga uchratgandi. Bungacha Said amerikalik Jonatan Martinezga ochkolar hisobiga ko'ra imkoniyatni boy berib, o'zining 4 ta g'alabadan iborat seriyasiga chek qo'ygandi. Said Nurmagomedov hamyurtimiz Saidyoqub Qahramonovga qarshi jang o'tkazib, bo'g'ish usuli bilan g'alaba qozongandi.

Amerikalik 31 yoshli Montel Jekson esa ayni paytda 4 ta g'alabali seriya bilan kelmoqda. So'nggi jangida u Rani Yayani birinchi raundda nokautga uchratgan edi. Hozirda har ikkala jangchi ham divizion reytingida Top-15 `ga kirmagan.