04 iyu 20:02
Yangiliklar
Gandbol
Nurotada gandbol bo'yicha O'zbekiston chempionlari aniqlandi
Navoiy viloyatining Nurota tumanida 14 yoshgacha (U-14) bo'lgan qizlar va o'smirlar jamoalari o'rtasida gandbol bo'yicha O'zbekiston chempionati o'tkazildi.
27 iyun - 4 iyul kunlari tashkil etilgan mazkur musobaqada 12 ta qizlar, 13 ta o'smirlar jamoalari chempionlik uchun o'zaro bahs yuritdi. Yakuniy natijalarga ko'ra, qizlar birinchiligida qoraqalpog'istonlik gandbolchilar zafar quchishdi. Ikkinchi o'rinni Namangan viloyati jamoasi qo'lga kiritgan bo'lsa, uchinchi o'rin Navoiy viloyati jamoasiga nasib etdi.
O'smirlar birinchiligida Navoiy viloyati sportchilari chempionlik shohsupasiga ko'tarilishdi. Jizzax va Farg'ona viloyatlari jamoalari mos ravishda keyingi sovrinli o'rinlarni egallashdi.
CHempionatning g'olib va sovrindorlari tegishli darajadagi diplom, medal, qubok va sovg'alar bilan taqdirlandilar.
Ikrom XUDOYBERGANOV tayyorladi
Havola :
Manba : olamsport.com
Fikrlar