22 iyu 05:52
Yangiliklar

Boks/MMA

Nursulton Ro'ziboevning UFC promoushenidagi ilk raqibi malum, lekin + FOTO

Xabar berganimizdek, kecha taniqli aralash yakkakurash ustamiz Nursulton Ro'ziboev dunyoning eng kuchli ligasi - UFC promousheni bilan shartnoma imzolagan edi.

Bizga etib kelgan xabarlarga ko'ra, Ro'ziboev 1 iyul (Toshkentda 2 iyul tong saharda) kuni AQSHning Nevada shtati Las-Vegas shahrida tashkil etiladigan UFC Fight Night turnirida Bruno Ferreyraga qarshi oktagonga ko'tariladi.

Ammo bir nechta ishonchli manbalarda braziliyalik 30 yoshli Bruno The Hulk Ferreyraning ushbu ko'rsatilgan sanada Ro'ziboevga emas, Abdulrazzoq Al Hassanga qarshi jang o'tkazishi belgilangan. Ferreyra ancha jiddiy raqib. U 10 ta jangning barchasida g'alaba qozongan.

UFC Apex arenada o'tadigan oqshomning markaziy jangi SHon Striklend hamda rossiyalik Abusupiyan Magomedov o'rtasida bo'lib o'tadi. Magomedov aslida shu yilning mart oyida hamyurtimiz Mahmud Muradov bilan jang o'tkazishi kerak edi. Lekin Muradovning jarohat olishi ushbu jangning bekor bo'lishiga zamin yaratgandi.

Nima bo'lgan taqdirda ham rasmiy tayinlovni kutamiz. UFC tez orada o'zining rasmiy sahifalarida Nursulton Ro'ziboevning debyut jangidagi raqibini rasman elon qiladi.