Octagon 42: Mardiev jarohat sabab jangdan chiqdi, uning o'rniga boshqa bir o'zbek oktagonga ko'tariladi

Xabar berib o'tganimizdek, ertaga Toshkentda Octagon 42 musobaqasi o'tkaziladi.

Mazkur musobaqa doirasida yarimo'rta vaznda o'zbekistonlik aralash jang sanatlari vakili Faxriddin Mardiev (10-3) qozog'izistonlik Adil Boranbaevga qarshi jang qilishi lozim edi. Biroq, Mardiev jarohat olib, jangda ishtirok eta olmasligini bildirdi. Endilikda uning o'rniga boshqa bir o'zbekistonlik — Bobur Abdulazizov (10-8) oktagonga ko'tariladi.

Bu qozog'istonlik Adil Boranbaev uchun professional faoliyatidagi debyut jangi bo'lishini takidlash lozim.

Octagon 42 musobaqasi ertaga 18:00 da poytaxtimizda joylashgan Reneissance Hall'da bo'lib o'tadi. Musobaqaning markaziy jangida hamyurtimiz Doston Bozorov qozog'istonlik Janserikom Jaksygulovga qarshi chempionlik jangini o'tkazadi. Bundan tashqari, Muhammadjon Qurbonov, Odilxon Kamolov va boshqa hamyurtlarimiz ham oktagonga chiqishadi.