Octagon 71 turnirida ishtirok etadigan hamyurtlarimiz soni bir nafarga ko'paydi

Musobaqada yarim og'ir vazn toifasidagi o'zbekistonlik aralash yakka kurash ustasi Habib Gaziev ham qatnashadigan bo'ldi.

Liga matbuot xizmati bergan xabarga ko'ra, yurtdoshimiz Qozog'istonning taniqli vakili Kerim Daidov bilan to'qnash keladi.

Malumot uchun, Gaziev faoliyati davomida uchta jang o'tkazib, ularning barchasida g'olib bo'lgan. Deidov hisobida esa 10 ta g'alaba va 1 ta mag'lubiyat mavjud.

Avvalroq, musobaqada Asadbek Saidov, Javohir Imamov, Sardor Xudoyberdiev kabi hamyurtlarimiz jang qilishi haqida xabar bergan edik.