Octagon chempioni SHohasan Mirzamatovga keskin "otvet" qildi

"SHohasan, men katta kalla deb aytmagan bo'lardim. Umuman, uxlab qolishimga ishonching komilmi? Ehtiyot bo'l, kamar orzusidan ayrilib uyg'onib ketmagin. Birinchi raundda nokautga uchratishga qaror qilganing uchun meni juda past baholaganingni ko'rib turibman. Sekundantlaringga ayt, kislorod ballonini tayyorlab qo'yishsin, chunki bu sen uchun juda kerak bo'ladi. 2 aprelda ko'rishguncha, Qozog'iston Alga!", - dedi Pshebelskiy.

"Men chempionlik jangiga uzoq yo'l bosib keldim. Hayotimdagi turli vaziyatlar bu jangga etib kelishimga to'sqinlik qildi. Ayrimlar divizionda kimdandir qo'rqadi deb o'ylashadi, lekin men jangda hech qachon qo'rquvni his qilmaganman. Bogdan qo'llarini balandroq ushlagani maqul, chunki uning yirik boshiga zarba bermaslik qiyin bo'ladi. Jang uzoq davom etmaydi. Amaldagi chempion Toshkentda "uxlab" qoladi va men yangi kamarni o'zbek xalqiga sovg'a qilaman", degandi Mirzamatov.

Yarim o'rta vazn toifasida Octagon chempionligi uchun kechadigan ushbu jang Octagon 85 turnirining asosiy voqeyligi bo'ladi.