Oeiras Ladies Open. Polina Kudermetova finalda!

Musobaqaning saralash bahslaridagi ikki g'alabasi evaziga asosiy to'rga yo'llanma olgan mamlakatimizning ikkinchi raketkasi Polina Kudermetova finalgacha etib keldi. U biroz avval yakuniga etgan 1/2 finalda amerikalik Uitni Osigveni mag'lubiyatga uchratdi. 

To'qson ikki daqiqa davom etgan uchrashuvda vakilamiz ikki setda ham bir xil hisobda g'alaba qozondi - 6/4, 6/4. Uitni WTA reytingida 180, Kudermetova esa 137-o'rinni egallab turibdi. Bu tennischilarning o'zaro o'tkazgan ilk uchrashuvi bo'ldi. Ikkala tennischi ham bugun eys zarbasini ijro eta olmadi. Qo'shxatolar Uitnida ikki barobar ko'proq bo'ldi - 4 ga 2.