Og'ir atletika. Muhammadqodir Toshtemirov - yoshlar o'rtasidagi jahon chempionati g'olibi, Hojiakbardan 2ta bronza

Bir oz oldin -81 kg vazn toifasidagi atletlar chiqishlarini yakunlashdi.  

Ushbu vaznda bir yo'la ikki nafar atletimiz medallar uchun kurash olib borishdi. 

Dast ko'tarish mashqida, kumush va bronza medallari uchun kurash o'ta murosasiz kechdi. 2003 yil tavallud topgan iqtidorli sportchimiz Hojiakbar Olimovga (150 kg) bronza uchun 1 kg, kumush uchun esa atigi 2 kg etmadi.  

Kutilganidek, Muhammadqodir Toshtemirov (161) ishonchli tarzda barcha raqiblarini ortda qoldirib oltin medalni qo'lga kiritdi. Birinchi o'rinni naqd qilgach, sportchimiz jahon rekordini yangilashga urinib ko'rdi, ammo Toshtemirov shtangani ushlab qola olmadi.  

Qayd etish lozim, Muhammadqodir eng yaqin taqibchisini 9 kgga ortda qoldirdi.  

SHu kuni har ikki mashqda ham Muhammadqodirga bas keladigan raqib topilmadi. Atletimiz ishonchli tarzda, katta farq bilan (ikkikurash natijasiga ko'ra 16 kg) raqiblarini ortda qoldirdi va dast ko'tarish, siltab ko'tarish hamda ikkikurashda ham oltin medallarga ega chiqdi. 

Yana bir yosh sportchimiz, Hojiakbar Olimov ham ishonchni oqladi hamda siltab ko'tarish va ikkikurash natijasiga ko'ra bronza medallarini qo'lga kiritdi. 

SHu tariqa, -81 kg vaznli atletlarimiz terma jamoamiz hisobiga 3ta oltin va 2ta bronza medalini qo'shib qo'yishdi.

Og'ir atletika bo'yicha yoshlar o'rtasida Jahon chempionati
Erkaklar, -81 kg

1. Muhammadqodir Toshtemirov (O'zbekiston) - 343 (161 + 182) kg;

2. Karen Margaryan (Armaniston) - 327 (152 + 175) kg;

3. Hojiakbar Olimov (O'zbekiston) - 326 (150 + 176) kg.