Og'ir atletika va sport gimnastikasi bo'yicha terma jamoalarimiz Gruziyaga yo'l olishdi

Murabbiy Bahrom Mendiboev qo'l ostidagi og'ir atletikachilarimiz 11 avgustga qadar Bakuriani shahrida o'quv-mashg'ulot yig'inida ishtirok etishadi. Tarkibga Ruslan Nurudinov, Akbar Jo'raev, Doston Yoqubov, Adhamjon Ergashev, Tursunoy Jabborova kabi 15 nafar sportchimiz jalb qilingan. 

Sport gimnastikasi bo'yicha erkaklar terma jamoamiz esa Tbilisi shahrida mashg'ulot olib boradi. Mazkur yig'in 23 iyulga qadar davom etib, murabbiylar shtabi unga Rasuljon Abdurahimov, O'tkirbek Jo'raev, Habibullo Ergashev kabi 10 nafar sportchini jalb qilgan.

Qayd etish joiz, og'ir atletika bo'yicha jahon chempionati va Xanchjou-2022 Osiyo o'yinlari orasidagi farq 10 kunni tashkil etadi. Sport gimnastikasi bo'yicha dunyo birinchiligi qita Olimpiadasi bilan bir vaqtda bo'lib, musobaqalar orasidagi farq atigi 1 kun. SHu bois, mazkur yig'in har ikki sport turi uchun muhim hisoblanadi.