10 iyu 09:01
Yangiliklar
Velosport
Olga Zabelinskaya Tokio Olimpiadasining yana bir licenziyasi uchun dadil qadam tashladi
Veloshossening guruh poygasi bo'yicha Tokio Olimpiadasiga yo'llanma qo'lga kiritgan hamyurtimiz Olga Zabelinskaya boshqa yo'nalishlardagi licenzion musobaqalarda ham yuqori natijalarga erishmoqda.
Xususan, sportchimiz kecha Italiyada o'tkazilgan velotrek bo'yicha xalqaro musobaqada g'oliblikni qo'lga kiritdi.
50 aylanadan iborat guruh poygasi dasturida Zabelinskaya barcha raqibalarini ortda qoldirishga muvaffaq bo'ldi. Poygada ikkinchi o'rin ukrainalik Yuliya Beryukovaga nasib etgan bo'lsa, kuchli uchlikni 4 karra Olimpiada chempioni britaniyalik Laura Kenni yaknulab berdi.
Ushbu musobaqa Tokio Olimpiadasi yo'llanmasi uchun reyting ochkolarini taqdim etadi. Bu muvaffaqiyatdan keyin hamyurtimiz Tokio Olimpiadasi reytingi uchun o'z hisobiga 200 ochkoni qo'shib qo'ydi.
O'zbekiston velosport federaciyasi matbuot xizmati
Havola :
Fikrlar