Olimpiada chempioni Daniyar Eleusinov o'zbekistonlik bokschiga qarshi jang o'tkazadi

Eleusinov Rio-2016 Olimpiadasi chempioni bo'lib, o'shanda final jangida hamyurtimiz SHahram G'iyosovni hakamlarning bahsli qarori bilan mag'lubiyatga uchratgan edi. 

"Daniyar Eleusinov qachon ringga qaytadi? Mendagi malumotlarga qaraganda, u 27 aprel kuni Almati shahrida tashkil etiladigan "IBA CHempionlar oqshomi"da ringga chiqadi. Daniyarning raqibi o'zbekistonlik Saidjamshid Jafarov bo'ladi. Jang 71 kilogramm vazn toifasida 10 raundga mo'ljallangan bo'ladi", — dedi qozog'istonlik jurnalist Kosanbay.

Malumot uchun, Daniyar Eleusinov professional boksdagi so'nggi jangini 2021 yilning dekabr oyida o'tkazgandi. O'shanda u argentinalik Xuan Ernan Leal (15-4-1, 4 KO)ni mag'lubiyatga uchratgan edi. Saidjamshid Jafarov o'tgan yili Toshkentda o'tgan jahon chempionatida kumush medalni qo'lga kiritgandi. U shuningdek, havaskor boksda ikki karra Osiyo chempioni hisoblanadi.