16 noy 17:53
Yangiliklar

Dzyudo

Olimpiada chempioni Klariss Agbenenu yosh dzdochilarimiz bilan uchrashdi FOTOGALEREYA

SHu kunlarda dzyudo bo'yicha franciyalik Olimpiada chempioni (Tokio-2020), olimpiya o'yinlarining kumush medali sovrindori (Rio-2016), besh karra jahon, to'rt karra Evropa chempioni, Evropa o'yinlari g'olibasi Klariss Agbenenu yurtimizda mehmon bo'lib turibdi.

Nomdor va sovrindor sportchi O'zbekiston dzyudo federaciyasiga tashrif buyurib, yosh dzyudochilarimiz bilan uchrashdi. Uchrashuv chog'ida yoshlarimiz o'zlarini qiziqtirgan savollarga javob olishdi. Klariss Agbenenu vaqti tig'iz bo'lishiga qaramay, master klass ham ko'rsatishga ham ulgurdi.

O'zbekiston Milliy olimpiya qo'mitasi raisi o'rinbosari, mamlakat dzyudo federaciyasi raisi Azizjon Kamilov Klariss Agbenenuga esdalik sovg'asi topshirdi. Ushbu uchrashuvda ikki jahon chempionimiz Davlat Bobonov va Muzaffarbek To'raboev ham hozir bo'lishdi.