Olimpiada chempioni Ulug'bek Rashitov yana shohsupada!

So'nggi kunda 8 nafar taekvondochimiz dayanga chiqdi. 68 kg vazn toifasida Olimpiada chempioni Ulug'bek Rashitov finalda yana bir hamyurtimiz Diyor Tuxliboev bilan to'qnash keldi. Ushbu bellashuv o'tkazilmadi va Rashitov oltin, Tuxliboev kumush medali sohibiga aylanishdi. 

Xuddi shu vaznda o'zbekistonlik Najmiddin Qosimxojiev bronza medaliga ega bo'ldi. 80 kg vazn toifasida SHuhrat Salaev yarim finalda eronlik taekvondochiga yutqazdi va bronza medal bilan cheklandi. 

SHuningdek, bugun hamyurtlarimizdan Otabek Turg'anbekov, Doniyor Mahkamov, Sardor Toirov va SHohruh Rajabov ham musobaqada ishtirok etishdi.

Eslatib o'tamiz, kecha 63 kg vazn toifasida Niyaz Po'latov kumush, Jasur Jaysunov (74 kg) va Nikita Rafalovich (-87 kg) bronza medalini qo'lga kiritgan edi.