Olimpiada medalini qabul qilib olgan Bekzod Abdurahmonov o'z fikrini bildirdi

Erkin kurash musobaqasining 74 kg vazn toifasidagi bellashuvlarida yurtimiz sharafini himoya qilgan Bekzod Abdurahmonov bronza medaliga sazovor bo'ldi. U medal uchun kechgan bahsda qozog'istonlik raqibiga hech qanday imkoniyat qoldirmadi. 

"Avvalo, bizni duo qilib turgan yurtdoshlarimizga minnatdorchilik bildiraman. Qolaversa, bizni besh yil davomida Olimpiadaga tayyorlagan murabbiylarimizga, barcha sharoitlarni bekamu ko'st taxt qilib bergan Turizm va sport vazirligi, Milliy olimpiya qo'mitasi, O'zbekiston Sport kurashlari associaciyasi rahbariyatiga kurashchilar nomidan tashakkur izhor qilaman. Bu medal jamoaniki, barchamizniki! Uni mustaqilligimizning 30 yillik to'yiga bag'ishlayman. Hammaga etibor uchun katta rahmat", - deydi Abdurahmonov.