Olimpiadaning amaldagi g'olibi Ulug'bek Rashitovga bu safar kimlar raqiblik qiladi? (Barcha tafsilotlar)

Unda O'zbekiston sharafini tarixda ilk bor 5 nafar taekvondochi himoya qiladi. SHu kungacha 4 nafardan ziyod sportchimiz musobaqada ishtirok etmagan edi.

Olamsport.com musobaqada ishtirok etadigan sportchilarimizga Olimpiada davomida kimlar raqiblik qilishi mumkinligi haqida malumot beradi.

Dastlab, yarim engil vazn toifasidagi sportchimiz, Tokio-2020 Olimpiadasi g'olibi Ulug'bek Rashitovga to'xtalsak.

Rashitov Olimpiada licenziyasini reyting davri orqali qo'lga kiritgan. U uchun Parijdagi Olimpiada faoliyatidagi ikkinchisi bo'ladi. Yani, Ulug'bek musobaqadagi ishtiroki orqali ikki karra Olimpiada g'olibiga aylanib olishi ehtimoli mavjud.

Ulug'bek Rashitovning Olimpiada doirasidagi chiqishi 8 avgust kuniga to'g'ri keladi.

Tokio-2020 Olimpiadasida hamyurtimizga finalda mag'lub bo'lgan britaniyalik Bredli Sinden va bronza medali sohibi, turkiyalik Xakan Rechber bu safargi musobaqada ham ishtirok etadi. Tokiodagi ikkinchi bronzaga ega chiqqan xitoylik Jao SHuay o'rniga esa bu safar Liang Yushuay turnirga tashrif buyuradi.

Ulug'bek Rashitovga Parij Olimpiadasida raqiblik qilishi mumkin bo'lgan taekvondochilar:

Edival Pontes (Braziliya)

Ibrahim Mayga (Burkina-Faso)

Marko Golubich (Xorvatiya)

Bernardo Pie (Dominikan Respublikasi)

Ahmed Nassar (Misr)

Suleyman Alafilippe (Franciya)

Bredli Sinden (Buyuk Britaniya)

Fung Vay Lo (Gongkong)

Mark Levente Jozsa (Vengriya)

Zaid Karim (Iordaniya)

Kevin Sogo Kassman (Papua Yangi Gvineya)

Liang Yushuay (Xitoy)

Yahya Al Gotaniy (Qochoqlar mamlakati)

Xaver Polo Peres (Ispaniya)

Banlung Tubtimdang (Tailand)

Xakan Rechber (Turkiya).

22 yoshli Ulug'bekning natijalariga to'xtaladigan bo'lsak, u O'zbekiston tarixidagi eng yosh Olimpiada g'olibi hisoblanadi. Jahon chempionati sovrindori, "Katta dubulg'a" g'olibi, ikki karra Gran-pri turnirlarida tengsiz bo'lgan. Osiyo chempioni va Osiyo o'yinlari g'olibi hisoblanadi.

Ulug'bek Rashitovga ikki karra Olimpiada g'olibi bo'lishi yo'lida omad tilaymiz!