Olimpiya chempionlari “Yashil makon” loyihasida ishtirok etishdi + FOTO

Toshkent shahar Sergeli tumani “Xonobod” mahallasida Sportni rivojlantirish vazirligi, O'zbekiston Respublikasi Bosh prokuraturasi, Yoshlar ishlari agentligi, Ekologiya va atrof muhitni muhofaza qilish davlat qo'mitasi, O'rmon xo'jaligi davlat qo'mitasi hamda Toshkent shahar hokimligi hamkorligida “Yashil makon” umummilliy loyihasi doirasida daraxt ekish akciyasi o'tkazildi.

Mazkur loyihada jami 1 000 nafar faol yoshlar qatnashishdi. Loyiha doirasida 2 gektar bo'sh er maydoniga 1 000 dona pavloniya daraxti ekildi.

“Yashil makon” umummilliy loyihasida Olimpiya chempionlari Bahodir Jalolov, Ulug'bek Rashitov, Ruslan Nuriddinov, O'zbekiston Milliy paralimpiya qo'mitasi raisi Muxtorxon Tashxodjaev va qo'mita azolari hamda yosh sportchilar ishtirok etishdi.

Tadbirda sportchilar ekkan daraxtlariga o'z ism-shariflarini yozib qoldirishdi.