03 dek 10:05
Yangiliklar
Boshqalar, Osiyo o'yinlari
Oltin uchun 40 mln. Sirdaryoda Xanchjou-2022 Osiyo o'yinlarining g'olib va sovrindorlari taqdirlandi
Sirdaryo viloyati Guliston shahridagi Yoshlar markazida Xitoyning Xanchjou shahrida o'tkazilgan XIX yozgi Osiyo hamda IV paraosiyo o'yinlari g'olib va sovrindorlarini taqdirlash marosimi o'tkazildi.
Tadbirda viloyat hokimi Akmaljon Maxmudaliev ishtirok etib, sportchilarni Osiyo o'yinlarida erishilgan g'alaba bilan qutladi.
Osiyo va Paraosiyo o'yinlarida faxrli o'rinlarni qo'lga kiritgan sportchilarga quyidagi pul mukofotlari hamda tashakkurnoma, esdalik sovg'alari topshirildi:
Oltin medal uchun – 40 million so'm
Kumush medal uchun – 30 million so'm
Bronza medali uchun – 25 million so'm.
SHuningdek, sportchilarning 13 nafar murabbiylariga ham pul mukofoti topshirildi.
Malumot uchun, XIX yozgi Osiyo o'yinlarida sirdaryolik sportchilar 4 ta oltin, 5 ta kumush va 2 ta bronza, jami 11 ta medalni qo'lga kiritgan edi.
Viloyat sportchilari IV Paraosiyo o'yinlarida 1 ta oltin, 2 ta kumush hamda 4 ta bronza, jami 7 ta medalga ega chiqishgan edi.
Havola :
Manba : t.me/sirdaryosport
Fikrlar