OOK delegaciyasining mamlakatimizga tashrifi sermahsul o'tdi

Mehmonlar dasturga muvofiq O'zbekiston Respublikasi Sport vazirligi hamda Milliy Olimpiya hamda Paralimpiya qo'mitalari rahbariyati, Ishchi guruh vakillari bilan uchrashib, qator masalalarni muhokama qilishdi. Olimpiya shaharchasida qad rostlayotgan obektlarni, bevosita qurilish jarayonini o'z ko'zlari bilan ko'rishdi.

Tashrif yakunida delegatlar O'yinlar o'tkaziladigan bir qator obektlar bilan bevosita tanishishdi. Jumladan, “Bunyodkor” stadioni, “Yunusobod sport majmuasi” arenasi, UzExpo markazi etibor markazida bo'ldi.

O'rganish ishlari nihoyasiga etgach mehmonlarni Sport vaziri Adham Ikramov yana bir bor qabul qildi. Uchrashuvda MOQ Bosh kotibi Oybek Kasimov ham qatnashdi. Unda mehmonlar O'yinlar davomida ish jarayonini tashkil etish borasida kichik taqdimot o'tkazishdi. Muloqot chog'ida yangi rejalar va keyingi qadamlar belgilab olindi.