O'rta Osiyo derbisida Saidjamshid Jafarov qozog'istonlik Aslanbek SHimbergenovga imkoniyatni boy berib qo'ydi! Ikkinchi kumush!

Bugungi kun doirasidagi to'rtinchi final jangi -71 kg vazn toifasida bo'lib o'tdi. Unda o'zbekistonlik Saidjamshid Jafarov va Qozog'iston vakili Aslanbek SHimbergenov to'qnash keldi. Mazkur final jangi to'liq 3 raund davom etdi va unda hakamlarning yakdil qarori bilan 5:0 hisobida Aslanbek SHimbergenov g'alaba qozonib, jahon chempionati oltin medali hamda 200 ming dollar kafolatlangan gonorarga ega chiqdi. Qayd etish joiz, SHimbergenovning oltin medali Qozog'iston termasi uchun ushbu chempionatdagi umumiy hisobda uchinchi oltin medal bo'ldi.

Kumush medalga ega chiqqan Jafarov esa endilikda 100 ming dollar kafolatlangan gonorarni qo'lga kiritdi. Bu O'zbekiston uchun ikkinchi kumush medal bo'ldi.