Osiyo o'yinlari-2018. Bugun hamyurtlarimiz 6ta sport turida bahslarga kirishishadi

Bugun esa bir nechta sport turlarida bahslarga start beriladi, ayrimlari esa davom ettiriladi. Bizning asosiy etiborimiz o'zbekistonlik sportchilarning qita o'yinlaridagi ishtirokiga qaratiladi. Bugun hamyurtlarimiz suzish, tennis, akademik eshkak eshish, ushu, qilichbozlik, erkin kurash hamda futbol musobaqalarida ishtirok etishadi.  

Guruh bosqichi g'olibi sifatida pley-off yo'llanmasini muddatidan avval qo'lga kiritib ulgurgan futbol bo'yicha O'zbekiston terma jamoasi bugun 3-tur uchrashuvini tailandlik futbolchilarga qarshi o'tkazishadi. "Pakansari" stadionidagi o'yin Toshkent vaqti bilan soat 17:00 (Indoneziya vaqti 19:00)da boshlanadi. 

Suzish bo'yicha terma jamoamizning 3 nafar azosi bugun 200 metr masofaga o'tkaziladigan turnirning saralash hamda final bahslarida ishtirok etishadi. Aleksey Tarasenko va Xurshidjon Tursunov erkin yo'nalishda, Artyom Kozlyuk batterflyay, Yulduz Qo'chqarova esa chanqancha usuldagi musobaqada startga chiqadi. GBK Aquatic Center arenasida Toshkent vaqti bilan soat 07:00-12:00 oralig'ida saralash, 16:00-20:00da esa final bahslari o'tkaziladi.